COMPOSITORES
 
volver

Alcalde, Antón

Rianxo, 1992.

Nado en Rianxo en 1992. Antón Alcalde é un compositor, editor e conferencista español afincado en Taiwán. A súa obra foi estreada e interpretada en máis de 30 países: dende Norte América ata Oceanía, pasando por Sur América, Europa e Asia. Alcalde obtivo encargos de importantes organizacións e solistas nacionáis e internacionáis como son: o Consello da Cultura Galega, o Certamen Internacional de Bandas 'Vila de la Sénia', a Bevers Harmonieorkest, a Izumo Symphonic Band Enishi, o Festival de Cine 'Curtocircuito', a Real Filharmonía de Galicia, o quinteto Hércules Brass e os solistas Alexandre Doisy, Roberto Oliveira e Hiroko Yamakawa entre outros. 

Con 13 anos, a súa obra 'Concertino' para solo-timbáis foi estreada polos estudiantes de Nick Woud no Conservatorio Superior de Música de Ámsterdam (2015). Con 15 anos, Alcalde obtén o primeiro premio no II Concurso de Composición Iberoamericano para Banda (2009), obtendo tamén o primeiro premio en tódalas categorías do II Concurso Galego de Composición para Banda, repetindo galardón ata en 5 ocasións consecutivas, incluíndo a terceira e cuarta edición do concurso (2010 e 2011 respectivamente), sendo o compositor máis novo en recibir o galardón. Obtén tres medallas simultáneas (prata e dous bronces) nos 'Global Music Awards' (San Diego, California) e recibe dúas nominacións aos 'Hollywood Music in Media Awards' (Os Ánxeles, California). No 2016 estrea a obra electroacústica 'Holograms' a cargo de Roberto Oliveira, no 'Extravaganza Percussion Festival' celebrado na Real Academia de Música de Irlanda (Dublín) e no 2017, Alcalde é seleccionado como compositor residente no prestixioso programa da 'ArtsIceland Institute' de Islandia. No 2019 gaña o premio 'Francisco Guerrero Marín' no 'XXX Premio Jóvenes Compositores Fundación SGAE-CNDM' coa súa obra 'Firefly -after Tokyo Blues-', estreada da man do ensemble Koen 2, dirixidos por José Ramón Encinar. En abril do 2020, a súa obra 'Sculptures in Brass' é seleccionada polo seminario Juilliard Brass Quintet, impartido polo prestixioso quinteto de metáis 'American Brass Quintet' (Nova York).

Dende o 2016 e baixo o selo Aalcalde Music, Alcalde ven desenrrolando o seu propio proxecto editorial. Forma parte da Asociación Galega de Compositores dende o ano 2011.

  • Primeiro premio no 'II Concurso de Composición Iberoamericano para Banda' (2009) pola obra:  'Viaxe ó centro da terra'.
  • Primeiro premio no 'II Concurso Galego de Composición para Banda -sección sinfónica-' (2009) pola obra: 'Sinfonía No.1 Marea Negra' (op.1).
  • Primeiro premio no 'II Concurso Galego de Composición para Banda -sección concerto-' (2009) pola obra: 'Pórtico' (op.2).
  • Primeiro premio no 'III Concurso Galego de Composición para Banda -sección concerto-' (2010) pola obra: 'Dolmen' (op.4).
  • Primeiro premio no 'IV Concurso Galego de Composición para Banda -2ª categoría-' (2011) pola obra: 'Camiños da Fin da Terra' (op.5).
  • Primeiro premio no 'IV Concurso Galego de Composición para Banda -3ª categoría-' (2011) pola obra: 'Noite de Defuntos' (op.6).
  • Nominación oficial aos 'Hollywood Music in Media Awards' na categoría classics (2013) pola obra:        'Os Heroes do Orzán' (op.9).
  • Nominación oficial aos 'Hollywood Music in Media Awards' na categoría contemporary (2013) pola obra: 'Gavilán: A Wizard of Earthsea' (op.10). 
  • Medalla de prata nos 'Global Music Awards' (2014) pola obra: 'Os Heroes do Orzán' (op.9).
  • Medalla de bronce nos 'Global Music Awards' (2014) pola obra: 'Maquialó' (op.15).
  • Medalla de bronce nos 'Global Music Awards' (2014) pola obra: 'Sinfonía No.2 A Lenda de Paio Gómez Chariño' (op.3). 
  • Primeiro premio no 'Concurso de Composición de Pasodobres do XXV Festival de Bandas de Meaño' (2015) pola obra: 'BUMM'.
  • Selección como compositor residente no prestixioso programa da 'ArtsIceland Institute' (2017).
  • Premio 'Francisco Guerrero Marín' no 'XXX Premio Jóvenes Compositores Fundación SGAE-CNDM' (2019) pola obra: 'Firefly -after Tokyo Blues-' (op.20a).

Máis información en: www.aalcaldemusic.com

volver